സ്വര്ണക്കടത്ത് കേസിലെ പ്രതിയായ സ്വപ്ന സുരേഷിനെ ഭീഷണിപ്പെടുത്തിയ നൗഫലിന് എതിരെ മുന്മന്ത്രിയും എംഎല്എയുമായ കെ ടി ജലീല്. നൗഫലും കുടുംബവും ഫിറോസ് കുന്നുംപറമ്പിലിന്റെ ആളുകളാണ്. മുഖ്യമന്ത്രിയെ കുറിച്ചും കുടുംബത്തെ കുറിച്ചും തന്നെ കുറിച്ചും നൗഫലിനെ കൊണ്ട് നല്ല വാക്കുകള് പറയിപ്പിച്ചത് ദുരുദ്ദേശത്തോടെയാണെന്നും വോയ്സ് ക്ലിപ്പ് ശ്രദ്ധിച്ചാല് മറ്റാരോ അദ്ദേഹത്തിന് നിര്ദ്ദേശം നല്കുന്നത് മനസ്സിലാക്കാമെന്നും അദ്ദേഹം ഫെയ്സ്ബുക്കില് കുറിച്ചു.
സര്ക്കാരിനെ പ്രതിരോധത്തിലാക്കാന് നൗഫലിനെ ഉപയോഗിച്ച് നടത്തിയ നാടകത്തിന് പിന്നില് ആരെന്ന് കണ്ടെത്തണം. ഇദ്ദേഹത്തിന് വിവാദ വനിതയുടെ നമ്പര് കിട്ടിയതിലും ദുരൂഹതയുണ്ടെന്നും കെ ടി ജലീല് പറഞ്ഞു.
ഫെയ്സ്ബുക്ക് കുറിപ്പിന്റെ പൂര്ണരൂപം:
നൗഫലും കുടുംബവും ഫിറോസ് കുന്നുംപറമ്പിലിന്റെ ആളുകള്. നൗഫലിന്റെ കുട്ടിയുടെ കരള് മാറ്റിവെക്കല് ശസ്ത്രക്രിയക്ക് പണം സ്വരൂപിച്ച് നല്കിയത് ഫിറോസ് കുന്നുംപറമ്പില്. കഴിഞ്ഞ തെരഞ്ഞെടുപ്പില് എന്നെ തോല്പിക്കാന് നൗഫലിന്റെ സഹോദരന് നിസാര് ദിവസങ്ങളോളം തവനൂരില് തമ്പടിച്ച് പ്രവര്ത്തിച്ചു. മുഖ്യമന്ത്രിയെ കുറിച്ചും കുടുംബത്തെ കുറിച്ചും എന്നെ കുറിച്ചും നൗഫലിനെ കൊണ്ട് നല്ല വാക്കുകള് പറയിപ്പിച്ചത് ദുരുദ്ദേശത്തോടെ. വോയ്സ് ക്ലിപ്പ് ശ്രദ്ധിച്ചാല് മറ്റാരോ അദ്ദേഹത്തിന് നിര്ദ്ദേശം നല്കുന്നത് മനസ്സിലാക്കാം.
സര്ക്കാരിനെ പ്രതിരോധത്തിലാക്കാന് നൗഫലിനെ ഉപയോഗിച്ച് നടത്തിയ നാടകത്തിന് പിന്നില് ആരെന്ന് കണ്ടെത്തണം. ഇദ്ദേഹത്തിന് വിവാദ വനിതയുടെ നമ്പര് കിട്ടിയതിലും ദുരൂഹതയുണ്ട്. നിയമസഭ നടക്കുമ്പോള് പ്രതിപക്ഷത്തിന് അടിയന്തിര പ്രമേയത്തിനുള്ള വക ഉണ്ടാക്കിക്കൊടുക്കാന് നടത്തിയ ഗൂഡാലോചനയാണിതെന്ന് ന്യായമായും സംശയിക്കാന് വകയുണ്ട്.